Israel in Hamas ngongtat pawlte akizawh siang dong khawllo a do dingin Israel Prime Minister Benjamin Netanyahu in pulakkhia ahih thu US National Security Advisor Mr. Jay Sullivan in genkhia hi. Lebanon a om Hezbollah leh Yemen gam a om Houthis ngongtat pawlte akipan gam sung anawngkai sakte tawh kisai-in, Israel gam a hawh US National Security Advisor Mr. Jay Sullivan leh Israel Prime Minister Benjamin Netanyahu te nih holimna nei uh cih thu Benjamin Netanyahu ii Cabinet member ten pulakkhia uh hi.
Tua a holimna / kamkupna ah Hamas te’ mat Israel galmatte khahkhiatna ding vai, Gaza ah mi cimawh hehpih huai mipite huhna piakzom suakna ding vai cihte zong kikum uh ci hi. Gaza Strip kido/ kikapna tawh kisai kikhelna om thei kha dingin Mr. Jay Sullivan in December 14 ni in genkhia hi. US in hun sawtpi lai pek akipan akipawlpih Israelte ading kizopna lam tawh kisai kidalna a piak hangin, Gaza a mipite Bomb khiat ngekngek uh cih President Biden in a gensa thute phawksak kik uh hi.
Gal kidona ii sul nungah a huzap khang semsem lai ahihna hangin, kikapna khawlna ding a ngetnate pen Benjamin Netayahu in sangzo tuanlo hi. Kikapna khawlna ding tawh kisai UN hanciamnate pen US in a panpihna pen Lungdam mahmah ung cih thu Israel in lungdamkohna nei hi.
Hits: 4