Zogam, Tedim khuapi, Leitawhtan veng Saizang lamka aa om PDF Zolandte omna phual pen tuni June 12, 2024 ni zingsang lamin Zomi thupuak sim (Dalaan)te’ thupuakna hangin, Ukna buluh ngongtat (SAC) galkapte in Bomb khiat uh a, PDF Zoland tangval 5 in gam leh minam ading a nuntakna uh piakhia uh a, tangval 9 hingmat uh cih kiza ahih manin, TONGSAN Media pan dahpihna i pualak hi.
Tedim khuapi sung lam a om PDF Zoland galkap dangte ahih leh Pasian huhna tawh mundang ah kihemkhia man bilbel uh ci hi. Hih bangin Zomite ei leh ei kithatlum / kisuamlum himawk ii hih manin, khasiat huai, dahhuai leh hehsuak huai mahmah dinmun ah kitungta ahi hi. Hih bang gamtatnate kikoihkhong loin, nasiatak phukila hamtang ding cih PDF Zoland phualpi vaisaite’ gen uh cih kiza hi.
Gam leh minam zalenna ding a khangno nuntakna a piakkhia PDF Zoland tangvalte’ nusiat innkuanphte, mapanpih a lawmte akipan Revolution sepna ah mapanpih Zomite khempeuh Khasiangtho Pasian in hehnem ciat ta hen. Spring Revolution maban manawt semsem hen la, mualsuah dong Topan hong makaih ta hen.!
Hits: 6