Zogam, Tedim leh Tonzang kizopna lampi tunga om Zalui Gunlei pen June 10, 2024 nitak lam (1:30PM) hun pawlin Ukna buluh ngongtat (SAC) galkapte in thaupi tawh kaptan uh cih thu kiza hi. Hih bangin a kaptanna uh ahang bulpi pen Mipi galkap pawl tuamtuamte kipawl khawmin leilu, leitaw, nisuah nitumna lam pan Tedim khuapi a luttheih lohna dingin, a khaktan nopna tawh Zalui Gunleipi a kaptan uh cih kiza hi.

Myanmar-India kizopna lampi thupi pen khat ahi Tedim – Laaitui kikal a om Mansuang Gunlei zong abeisa June 8, 2024 ni-in SAC galkapte’n kaptan khin sawnsawn uh ahih manin, khualzin gamvakna leh adiakdiak in Laaitui leh akim khuate ading nek leh dawn lakna ah tampi haksatna om cih Laaitui khuami te’n gen uh cih kiza hi.

“Guahtui tam hun (Tuk sung) hilai mawkin, Khuakhaal lai bang a Gunlei nuai (Tui kantan) theih lah hilo sawnsawn ahih manin, mipite’ kitangsap annek tuidawn leh van tuamtuam puakna ah haksatna tampi kiphukha mahmah ding suak ve” ci-in, Laaitui khuami khatin Tongsan Media tungah gen hi. Ukna buluh (SAC) galkapten hih bangin Tedim khuapi tawh kizopna Gunlei teng a kaptanna pen lau mahmah uh cih kithei cih Tedim khuapi pan Galtai khatin genbeh hi.

Hits: 4

Byadmin

Leave a Reply

Your email address will not be published. Required fields are marked *