Shan State (Northern), Lashio khuapi huam ah ukna buluh (SAC) in Vanleng tawh akhiat uh Galvan leh zatui singkuang 13 pen SAC te’n ngah kha loin, Ta’ang galkap (TNLA) pawlin ngah kha uh cih thu Ta’ang National Liberation Army (TNLA) in thusuahna nei uh hi. November 16 ni-in Lashio khuapi huam Mai kyet (မိုင်းကျက်) kiang a om SAC galphual ading vanleng tawh akhiat uh galvan leh zatui singkuang (box) 13 teng pen TNLA pawlin ka ngah khia uh hi ci-in gen hi.
SAC in hih galphual ading vanleng tawh akhiat uh galvante pen TNLA in abeisa hunin zong ngah ngei khin ci hi. November 16 ni zingsang lamin TNLA pawlin Nawng-in (နောင်အင်) khua kiang a om SAC gal phual zong lakhiazo uh hi. Zingsang nai (10:50am) hunin Tarkunt (တာကွန့်) galphual lakhia uh a, a si a liam gen cianna nei thei nailo ci hi. Muse khuapi huam Kyin Sant kyawh (ကျင်စန့်ကျော့) lamka-ah November 16 ni sun hunin TNLA leh SAC kikapna nasiatak om ci hi. TNLA in ‘1027 Operation’ hun sungin SAC galkap phual, palik phual leh Pyithusit galphual 37 val lakhia zo ta ci hi.
Hits: 5