Bago Division, (ရွှေကျင်) Shweyin khuapi huam, Kyarchuang (ကျားခေါင်း) khuano gei mual nuai a om SAC (Khah Mah Yah – 351) galphual pen Revolutionary Alliance ahi; Bamar People’s Liberation Army (BPLA) leh Karen National Liberation Army (KNLA) te’in November 17, 2023 zingsang lamin busim uh a, galvan tampi ngah khia in, galphual buppi haltum uh cih thu BPLA thuneite’ tungtawn in kiza hi.
Kikapna tawh kisai pen minutes 20 bek hi-in, SAC galkapte khempeuh taikhia mang uh a, galvan tampi kingah khia banah galphual buppi kilakhia / kisutkhiazo ci hi. SAC galkap lamte a si, aliam sazian kithei cian nailo ci-in Bamar People’s Liberation Army (BPLA) in genkhia hi.
Kikapna sung pan a kingakhia SAC gal vante pen 60 MM lawng 1, leh atang 52, Jumper 1, kizopna setpi 1, Enaga tang 13, khutlot bomb tang 20, RPG tang 22, RPR ပိုယမ်း 16, Tank kapna 3, 40 MM tang 12, lei sung phum mine tang 9 leh 5.56 thau tang 1128 te kingah khia ci hi.
Hits: 2