Sagaing Division, Shwebo khuapi No.(8) Military Basic Training battalion pan gal sim ding a kuankhia SAC galkap honpi pen Wetlet township township, Matteh khua leh Mingone khuano kikal ah PDF pawl tawh kikaptuah uh a, SAC galkapte 47 si-in, 6 hingmat in, 17 mangcip ci hi.
Shwebo pan a kuankhia SAC galkap honte pen Captain Myo Min Thu (battation Commander), Captain Nay Myo Oo (Company commander) leh Lieutenant Colonel Zin Ko Ko te’n makaih uh hi. January 3, 2025 ni in galkap 70 kim tawh galsim dingin kuankhia uh hi a, Chaung sone khua leh Hle Gaing khua ah zankhat tuak giak uh hi.
January 5, ni zingsang lamin Hle Gaing khua pan paikhia uh a, Wetlet khua leh Min Gone khua kikal ah Revolution PDF pawlte tawh ni thapai kikaptuah uh ci hi. “Tua kikapna pan a si SAC galkapte pen Captain kihel hi. Ama makaihna battalion 2 pan a vekpi hipah hiven, akician lianin amau bekin telcian un teh!” ci-in Shwebo District, PDF No (15) battalion commander Captain Kauh Yo in gen hi.
Kikaptuahna sungah SAC te in Vanlam tawh gal huhin hong kap ziahziah uh himah leh PDF lamte a si aliam omlo hi. Ahi zongin kikaptuahna sungah 2 si in, 2 liam ci in Captain Kauh Yo in genbeh hi. Tulaitak dinmun ahih leh Wetlet area leh Shwebo township sungah Galvai dai phot ta dih ci hi.
Hih SAC te dona tawh kisai in Shwebo District Strategy ii makaihna nuai ah PDF Shwebo District battalion 1, 2, 4, 5, 15,23), No(2) Shwebo District Strategy Drone Unit, M. Sai Naw Drone Unit, Phoenix Wings Drone Unit, Wetlet township PDF joint group cih teng kipawlin dokhawm uh hi.
Galvan nsm tuamtuam mal 45 leh Thautang nam kim kingah khia banah bomb nam tuamtuam, Thautang dalna awm ip namkim, thautang dalna lukhu mal 10, leh Jammer aliante 1 cihteng kingah khia ci-in No(1) Battaion PDF ten pulakkhia uh hi.
Hits: 6