August 13, 2023 || Tongsan Media Group ||
Sagaing Region, Kalaymyo, Sekan khua kiang Thazagone leh Santha khua kikal a om Kyun Chaung khua mi nuta (mi 2)te pen August 12, 2023 ni-in SAC galkapte’n manin kaplum uh a, aluang uh zong a tuanna uh Motorcycle tawh haltum uh cih thu khuamite’n gen uh hi.
SAC te’ kaplum Nutate pen Nu Hoih Iang (Kum 50) leh a tapa Samuel (Kum 30) kim uh ci hi. ” Zatui kisun ding a pai a ciah kik lamah Sekan khua ah Ukna buluh (SAC)te a lut sawm tawh kituak uh hi. Galkapte’n a kap uh pen mi 4 hi a, 2 te’ lak pan khatpa pen a khukbuk, khtapa bel a lu gei ah thautang nawkin suakta uh a, adang nutate bel kaplum in a luanghawm mei tawh haltum uh hi ” ci-in khuamite khatin gen hi.
SAC galkapte pen Sekan khua pan apaikhiat ding ciangin khua kim leh pam tengah Landmine siahsa in koih uh a, ahi zongin PDF te’n tua Landmine teng limtak hemkhia mang uh ci hi. Sekan khua sung ah mipite’ innte phek lek mang banah Mawtaw, nasepna akizang Set mawtawte mei tawh haltum mang uh cih thu khuamite’ tung pan kiza hi.
Tulaitak Ukna buluh (SAC)te pen tuni August 13, nitak lamin Kalaymyo lamah ciah kik uh a, galmai nawkna ah Gal antah dingin a mat uh Myo Hla leh Sekan khuami 15 te zong khahkhia khin ta cih kiza hi.
Source: Zalen News
Translated: Tongsan Admin Team
Hits: 6