Mandalay Division, Shin Ku township sung a om Ukna buluh (SAC) galkapte’ galphual 6 pen Mandalay PDF te’n busim in, sutkhia zo bek tham loin, SAC galkap 13 hingmat uh hi. Tua banah SAC galkap misi luang honpi khat leh galvan namkim kigawm vekpi mal 40 val ngah khia uh cih thu Mandalay PDF in pulakkhia uh hi.
Mandalay PDF in, ” 1027 Operation Part 2″ tungtang ah Sint Ku township sungah galdona (Operation) nei uh a, Sint Ku Township sung a om Do Nywe Camp, Nam Hut Yaw Camp, Malese Clearing Camp, Shwe Maele Pagoda Camp, Ywadawlay Camp, leh Nwe Yone Police Station cihte lakhia / sutkhia zo uh cih kiza hi.
Shin Ku Operation area sungah galvan namkim mal 40 val leh thauvui thautang tampi ngah khia uh a, SAC galkap 13 hing mat uh hi. Tua banah hih Shin Ku Operation tungtang ah Mandalay PDF te pen Shin Ku township PDF pawlin gal huhna tawh kisai vaite khempeuh panpihna pia uh cih kiza hi. Mandalay PDF pawlin Shin Ku township sung a SAC te’ Camp khempeuh a banban in do/ kap to ngekngek dingin pulakna nei uh hi.
Abeisa June 25, ni akipan Mandalay Division, Mataya khuapi leh Mogok township ah kikapna nei uh a, khuapite tawh akizom Mandalay – Mogok lampi tung a om Shin Ku township leilum lam leh Tabeih Kyin township, Thauh Kyan khuaneute ah nasiatak kikap ziahziah uh cih kiza hi.
Hits: 7