Chin State, Tedim Township, Taingen khuaneu pen Ukna buluh (SAC) galkapte’n mei tawh hal uh a, khuazang bup Inn kangtum cih thu khuamite’ tungtawn in kizasawn hi. Abeisa June 21, 2024 ni-in Ukna buluh (SAC) galkapte in mei tawh hal uh a, inn 25 kang tumin vut leh vai suak banah inn 5 pen Thaupi tawh kapzan uh ci hi.
Inn 30 val apha Taingen khua ah Inn kanglo / akisialo om nawnlo ci-in, khuamite in gen uh hi. A kanglo Inn 3 bek om ta ci-in min gen nuamlo khuami khatin genbeh hi. ” Innte bel SAC galkapte’ hal tektek leh Thaupi tawh akapzan uh ahih manin, bang mahmah cian nawnlo himai. Inn 30 kangtum hita! Thaupi khakte bang nasia lua mahmah hi. Inn 3 a cian laite zong Thaupi khak baang hi-in, om theihna ding hinawnlo sawnsawn” ci-in khuami khatin genbeh hi.
Tedim khuapi pan galsim a kuankhia Ukna buluh (SAC) galkapte leh Chinland Council pawlte June 20, 2024 ni akipan June 25, ni dong kikap thapai uh hi. Hih galkuan SACte pen Kalaymyo lamah tuaksuk suak uh a, June 27, 2024 ni sun hun pawlin Kalaymyo tung uh ci-in, Taingen khuamite’n gen uh hi. Tulaitak bel Taingen khua ah SAC galkapte a om nawnloh hangin, Taingen khuamite Inn lam ciah nuam mahmah ta leh a omna ding Innte om nawnlo banah annek tuidawn ding zong haksa mahmah uh cih kiza hi.
![](https://tongsan.org/wp-content/uploads/2024/06/448694333_808061888091646_7236469207475493597_n-2-2.jpg)
![](https://tongsan.org/wp-content/uploads/2024/06/449140648_324268657407866_3216429091798319764_n-3.jpg)
![](https://tongsan.org/wp-content/uploads/2024/06/449332000_324270190741046_2181703711711061965_n-2.jpg)
![](https://tongsan.org/wp-content/uploads/2024/06/449066629_324269910741074_6548932613963010252_n-3.jpg)
Hits: 1