Ukna buluh (SAC) thuneihna hunciam (emergency period) ci-in, a ciangtan hun / kumte a hunhun khin toto uh pen tuni January 31, 2024 ni-in, a (6) veina hunciam khinto leuleu uh hi. SAC in tuni January 31, 2024 ni-in, the Defense and Security Council Meeting aneih khit phetin gam bupah Thukin dinmun Tangkon (The state of emergency) ci-in tuni January 31, 2024 nimit tawh SAC thuneihna kha 6 sung dingin khinto leuleu uh hi.
2008 Constitution tawh kizui-in kisem hi cih paulapna leh abeisa 2021 February 1, ni ukna a buluh khit akipan Thukin hunciam (Emergency Period) kha 6 a cih uh pen tampi vei khintoto khin uh a, tutung a khintohna tawh 5 veina hita hi. Abeisa kum July kha bei-in, a nunung pen hunciam kha 6 khinto khin ta uh hi.
Ukna buluh khit a sawtlo 2021 April kha in zong thukin hunciam kha 2 val sawtlo ding ci-in SAC thugenpi General Zaw Min Tun in genkhia ngei khin hi. Tua bangin a genkhit phetin ngeina zong ahilo hunsia kituak cih paulap in, tampi vei kha 6 hunciam khinto uh ahi hi.
Thukin hunciam ((Emergency Period) a khintohtoh kawmkalah Sagaing Division, Chin State, Magwe Division, Thanihthari Region, Bagu Division, Mon State, Karen State, leh Kayah State sungah khuapi 40 kim bangah SAC ukna pulakkhia uh a, khuapi pawl khatah nitak vakkhiatloh ding (Martial law) thukhun cihte tangkona nei uh hi. Hih bangin Emergency Period pen kha 6 a khinto SAC in a kamciamsa uh kiteelna abawl nading vaite dongah a zekai toto sak uh ahihna kimuthei cih thu Politician lamte’n gen uh hi.
![](https://tongsan.org/wp-content/uploads/2024/01/422890644_767202922109122_1008202130022890905_n-1024x578.jpg)
![](https://tongsan.org/wp-content/uploads/2024/01/422900000_767203125442435_6530564810499340082_n-1024x578.jpg)
![](https://tongsan.org/wp-content/uploads/2024/01/423516628_767202932109121_999540969792164069_n-1024x578.jpg)
![](https://tongsan.org/wp-content/uploads/2024/01/422939570_767202942109120_1181621591641716067_n-1024x578.jpg)
Hits: 4