Ukraine – Russia gamnih kikal gammat kikhek ding thukimna tawh kizui-in, galkap 207 te January 31, 2024 ni-in, kikhahkhia tuak cih Ukraine kumpi in tangko khia uh hi. A kikhahkhiate’ sungah Russia gamkek galkapte’ mat Mariupol leh Snake Island ah galkap tampi akihel uh mi minthang Azov galkapte zong kihel cih thu tangkona ah genkhia uh hi.
Russia kumpi thuthak tangkona ah galmat thongkia 195 tuak kikhah tuah uh ci-in gen uh a, tua akikhahkhiate’ sungah Ukaraine galmat 12 a val kihelbeh ci-in, Ukraine thuthak saite’n genkhia uh hi. Ukraine galmat 65 kipuak cih thu Russia galkap puakna vanleng khat pen January 24 ni-in a kikapkhiatsak khit teh a masapen kinei galmat kikhektuahna hipah hi.
Tu-in, a kikhahkhia Ukraine galkapte tung panin hih vanleng kikapkhia tawh kisai thuman thutak kitheikhia ding lametna kinei cih Ukraine galkap Uliante’n gen uh hi. A kikapkhia Vanleng tungah galmatte tuang / tuanglo banah a kiatna thubulpi zong International Investigation bawl dingin Ukraine in a nget hangun, Russia kumpi in sang zolo in nial uh hi.
Tua vanleng kia a siacip pen Kumpi thuneite in puakhia khin banah a kiatna mun zong kipuahsiang / ki encian khin ahihna thu Russia thuthak semte’n genkhia hi. Vanleng tungah atuang Russia vanleng nasem 6 leh galkap 3 te’ luang hawmte kilakhia thei in, Vanleng tungah tuang a kigenUkraine galmat 60 valte tawh kisai mitmuh theih (evidence) te lahtheih om zo nailo cih thu Russia thuthak saite’n a genkhiatna kimukhia hi.
Hits: 3