September 3, 2023 || Tongsan Media Group ||
Russia te’n Ukraine gam leitaw lam leh nisuahna leitaw lam pan Shahed – 136 /131 Drone namte tawh hong kap uh hi ci-in Ukraine Air Force te’n amau Telegram ah gelhkhia uh hi. Iran te’ bawl galkapna Shahed kici Drone mal 25 khahkhia uh a, tuate sung pan mal 22 te Ukraine airfore te’n kapkhia / kisusia zo hi ci-in Ukraine Airforce ten gen uh hi.
Abeisa July kha in UN puaisa (UN-broker) a neihna ah Ukraine te’ anteh singgahte pen Tuipi vom (Black sea) pan Tembawpi tawh suataktak puak theihna ding a thukimna uh akisiat khit akipan Russia te’ anteh singgate a zuakna / puakna ding abulpi Tembaw khawlna (Sea port)te leh building Inn hoih (building) lianpipi a omna Oddesa leh Mykolaiv region munteng nasiatak kapna munpi dingin nei uh hi.
Abeisa August sungin Russia in sumbawl sumzuakna akhaktanna (Sanction) thuhkikna tawh Ukraine te tuipi vom (Black Sea) pan paikhia uh a, a khatveina mipite vanpua Tembawpi khat pen Turkey gam Istanbul khuapi ah va tung hi. Ukraine President Volodymyr Zelansky in zong Tembawpi 2 Ukraine te tawmvei sung Black Sea ah mehteh mehgah puakna kong khak kantan hi ci-in, September 2, ni-in genkhia hi. A sawt lo ni 1, 2 sungin zong Russia in Ukraine gam Kiev khuapi pen missiles leh Drone tawh nasiatak kap sak hi.
August 30, ni zingsang tungin Kiev khuapi ah Russia missiles te leh Drone mal 20 val pen Ukraine Military Administration te’n suksiatsak zo uh cih thu Kiev khuapi Military Administration ten Telegram ah gelh uh a, tua kikapna pen Phalbi bei kuan lam ading Kiev khuapi kapna a khauhpai pen vanleng zatna hi dingin gen uh hi.
Inn leh lo kisiatna hangin mi 2 si cih Kiev khuapi Defence Force makaipi Serhiy Popko in ama Telegram ah gelh hi. Midang khat zong liamin zatui zaha tawh kibawl laitak ci hi. Russia galkapte in a hun kituak lian mahin Iran bawl Shahed Drone te tawh Kiev khuapi sung mun tampi ah lut / kiasuk in, vanleng tung pan Missile te tawh kap lai hi ci-in, Kiev Military Administration pawlte’n genbeh hi.
Tuivom (Black Sea) ah Ukraine Special Forcete’ tuanna a manlang khia mahmah Tembaw 4 pen Russia ten August 29 ni (9:00pm) hunin suksiat uh ahihna thu Russia Ministry of Defense zumpi ten August 30 ni-in pulakkhia hi. Tua Tembaw manlang (High Speed) tungah Ukraine Special Force te 50 val tuang uh cih thu Russia Ministry of Defense ten Telegram ah gen uh hi. Ahi zongin Black Sea akoi lai munah kikap cih thu kiciantak gelhlo / genlo hi.
Source: AFP News
![](https://tongsan.org/wp-content/uploads/2023/09/drone-new.webp)
![](https://tongsan.org/wp-content/uploads/2023/09/Odessa-Ukraine-port_UNKAS-PHOTO-STOCK.ADOBE_.COM_e.jpg)
Hits: 6