Sagaing Division, Wetlet Township nisuahna lam tengah January 5, 2025 ni zingsang lamin Ukna buluh (SAC) galkuan pawl 2 te leh Wetlet Region PDF kipawl khawmte mun 2 ah kikaptuah uh a, SAC galkapte vekpi gawm 100 val si-in, 9 hingmat uh cih thu PDF te’n pulak hi.
SAC galkap Sagaing Division (33) pan Wetlet Township nisuahna lam a om Heinmaka khua Police station ah phualsat ding gamlak zui-in, a pai uh pen Uneboh khua PDF te’n na kap uh a, SAC pawl 20 val si uh a, 3 hingmat uh cih thu Shwebo District battalion (18) PDF thuneite’n gen khia hi.
” A thautang uh bei ahih manin mi 3 kihingmat ci hi. Adangte gamlak ah veihteh liangin taimang uh a, nung delhin kimanman kikzo veve hi. Sheinmaka khua tung zolo suak ” ci-in Shwebo District battalion (18) pan thugenpi Ko Nyi Myo (Bago) in gen hi.
Hih kikapna pan Thau lawng 5, khutlot bomb 2, gal mai akilawn Mine 1, Sakol khekhap Mine tang 4, Drone suksiatna set 1, 60MM bomb 1, leh adang galvan zat tuamtuam kingahkhia cih thu battalion (18) pan pulak hi. SAC galmainawk pawl bel Sheinmaka khuaneu lam zuan ding kithawi uh hi a, PDF galkapt’en umcih in kap bek tham loin, Sheinmaka khua Police station zong a nung lam (western) pan Thaupi tawh nasiatak kap cih thu khuamite’n gen uh hi.
January 5, 2025 ni mahin Shwebo khuapi No (8) SAC Training Unit pan a paikhia Support and Communication Unit galkapte Minkone khuaneu leh Mathtih khuaneu kikal ah PDF te tawh nasiatak kikaptuah uh a, SAC pawlte 77 sung pan 71 si-in, 6 hingmat cih thu Minkone PDF galkap thuneite’ tungtawn in kiza hi. Tua kikapna pen zingsang 07:00am hun akipan nitak 9:00pm dong kikap ngekngek uh hi. Tua SAC galmai nawkte pen Wetlet khuapi ah huhna van leh galvan puak ding apai uh ci hi.
” Wetlet huam ah abeisa 2024 kum sung zong hih bang mahin kikapna omin kizolo hi. Tu’n 1027 second Wave belah Galvan hoih kinei ta ahih manin, nasiatak kizozo suak hi” ci-in Shwebo District No(15) PDF Battalion Commander Col. Kauh Yo in gen hi.
Hih kidona mun 2 ah Sagaing Division (33) pan Uliante leh galkapte kihelthei banah Division 33 pen galkapte kigawmna sungah a thahat pen akigen minthangte ahi uh hi. Division 33 te pen Chin State, Thantlang khuapi a haltum SAC galkap gilo pawl ahih banah tulaitak Taungkhan leh Kachin State, Bahmaw khuapi lakna ah a va huh pawl ahi hi.
Ohhneboh khua kikapna pen Shwebo Division battalion (18), Shwebo District No (23) battalion, Kyaing Letthe galkapte, Battalion (18), Unit (1) Wetlet Minta Gyi Unit, Company (2) Prolife group, Company (3) Bo Tinchai Group, Company (4) Bo Kyar Gyi Group, Wetlet Daungni Group, Daung Soldier Group cihteng kipawl khawm uh ci hi.
Min Gone khua kiang a kikapna pen Swebo district battalion (15), Shwebo District No (23), No (2) District Kuakegi, Shwebo district battalion (1), Battalion (2) leh Township PDF, Wetlet Circuit (2) cih teng kipawl khawm uh cih kiza hi.
Hits: 2