Japan gam Oita State, Beppu khuapi a om Asia Pacific University ah International Relations major tawh kum nihna asin laitak Zolia Dim Tian Muang Thaw (Kum 22), pen Mawtaw leh ama tuanna Motorcycle kiphutkhakna (accident) hangin, January 4, 2025 zankim (12:9am) hunin hong nusia cih thu Siyin Chin Community of Japan, makaite’ tung pan kiza hi.

Hong nusia Lia Dim Thian Muang Thaw pen Chin State, Tedim township, Buanman khua mi Pa Dennis Thaw Cin Nang leh နှင့် Nu Khup Dawn Cing te’ numei khat neih sun, Yangon khuapi ah khangkhia hi-in, abeisa 2023 October kha sungin Japan gamah pilna sinin a pai ahi hi.

A tuahsiat zia ahih leh a lawmte tawh Shopping pai dingin Motocyle tuangin, Lampi tungah a tai laitak a nung lam pan Japan Tansawm sangnaupang khatin a Mawtaw tawh phu kha in a phual ah hong nusia pah ci hi. Shopping paipih a lawmnu khat in a nung pan mu kha lian a, thu pianzia akidotnop hangin lau lua mahmah ahih manin bang mah kidongthei nailo ci hi. A phukhapa bel taimang pah himah leh Police te’n mankik pah uh ci hi.

Lia Dim Thian Muang Thaw ii luang hawm pen Zatopi ah kikoih lai a, ngeina om bangin Etcianna (Postmorterm) kinei lai ding ci-in, a meltheihte’ tungtawn in kiza sawn hi. “A luang hawm bel ko’ khut sung hong tung nailo ahih manin, a pianna nu le pate’ khensatna bangbang in kisem/ kivui ding hi. A nu le pate zong bel Japan hong pai dingin hanciam uh hi” ci-in Japan a om Siyin Chin Community makaipi Tg. Thawng Suan Pau in gen hi.

“Myanmar gam mai lam ading mipil, misiam khangno khat kisum/ kitan ahih manin, pammaih hi. Tua banah hih sanggamnu tungtang ah Japan gam a tung Myanmar gammi khempeuh in sum le pai akipan thu le vaite ah akisapna om bangbang in kihuh/ kipanpih ciat ding kisam hi” ci-in Siyin Chin Community makaipa in genbeh hi.

Hits: 5

Byadmin

Leave a Reply

Your email address will not be published. Required fields are marked *