Chin State (Zogam), Tonzang township, Tonzang khuapi buluak dingin a kuankhia Zomi Revolutionary Army(ZRA) te pen October 21 ni Chin National Army (CNA) leh CDF-Tonzang kipawlin abeisa October 21, 2024 nu-in Mualkawi khua ah nasiatak kikaptuah uh a, ZRA lam pan 10 kiim si-in, CDF-Tonzang lamte 1 si ci-in, CDF-Tonzang in November 5 ni-in, Tangkona kiciantak nei cih hi.
Ahi zongin ZRA-EC in bel abeisa October 27, 2024 ni a tangkona ah October 21 a Tonzang gam huam Mualkawi khua ah CNA / Chinland Council te in lamphung gal (Ambush) uh ahih manin ZRA lam pan 3 si, 2 liam ci-in tangko uh ci hi. Abeisa May kha sungin CDF-Tonzang leh Chinland Councilte kipawlkhawm in Tonzang khuapi leh Cikha khuapi buluak uh hi. Tua khit akipan Tonzang khuapi sung leh a kiimnai tengah galphual satin om uh a, SAC tawh kipawl ZRA te in Cikha khua ah galphual sat uh hi ci-in CDF-Tonzang in tangko hi.
ZRA te in Cikha khua pan CDF-Tonzang leh CNA te pen a tawntung phialin galbawlin, to den bek tham loin, Tonzang khuapi lakik ding ci-in kam zasak den uh ci hi. Tonzang khuapi tawh tai 15 kiim akigamla Mualkawi khua pan Tonzang khuapi lakhia / buluh dingin galvai kithawi khin cih thuthang hangin thakhat in umcih in akikhaktan zo hi ci-in CDF-Tonzang in tangko uh hi.
ZRA te pen Zomi ahih uh hangin SAC tawh kipawl sim uh a, Chinland Council leh Tonzang Council i ukna leitang teng a nawngkaai sakna hangin, kaploh phamawh dinmun ahihna tawh a kikap ahi hi. Ko operation pen a thuman operation hi in, ZRA pen Tonzang khuapi pan kinawtkhia siang ding hi ci-in CDF-Tonzang in genkhia cih kiza hi.
Hits: 7