Karen State, Karen National Union (KNU)te’ ukna nuai a om No. 6 Brigade sung Khamahzah – 432 leh Engineer battalion Sa-ah-za 918 pan SAC galkap mimal 6 leh palik san thum 1, vekpi gawm 7 te pen KNU te’ kiangah ah ki-ap cih thu kiza hi. Tua akipum piak (Surrender) Sa-Kah-za 916 pan palik san thum Ye Za Aung, Kha-ma-za 432 pan santhum Thant Zin Phyou, galkap nautang Kaung Thi Ha, Chit Po, San Phyou, Wunna Kyaw le palik santhum Tun Tun te ahi hi.

Sa-ah-za 918 pan palik san thum Zeya Aung in, “SAC galkapte pen mipite akem akhual galkap kici-in, mipite bawlsia, lungkham sak thapai zawsop uh ahih manin, hih bang gamtatna pen hoih het loin, deih vet keng! Tun zong ko teng ka kipumpiak (Surrender) phingphing na ahang pen ka taikhiatna ding hun lemlohna hang hi in, nung kha sungin Kwe long Daing (ကွီလုံတိုင်) lamah gal huhin hong kipaisak ciangin, tua lai pan taikhiatna ding hun lem pan suak a, zankim laitak in ko mi 6 teng kiciam in a tai sim thei pan hi ung” ci-in genkhia hi.

SAC galkapte’ sung kimakaih zia akipan kalsuanzia khempeuh kisiamang ta ahih manin, gualzawhna ding lampi om thei nawnlo hi ci-in gen uh hi. A si a liam tam mahmah khin ta bek tham loin, a tai sim zong tampi om khin ta ci-in KNU sung a ki-ap galkapte in genkhia uh hi. Hih SAC galkapte’ kiang pan taikhia in, mipite’ anglum a zuan teng pen PDF te in annek tuidawn akipan huhna / panpihna kiciantak pia in, omna khawlnate dongah limtak vaihawmsak uh cih kiza hi.

Hits: 4

Byadmin

Leave a Reply

Your email address will not be published. Required fields are marked *