August 27, 2023 || Tongsan Media Group ||

FIFA Women’s World Cup- 2023 ah Spain Club te’n Champhion a ngah khit phetin, Spain bawlung Kipawlna makaipi (Spain’s Soccer Federation) ah President Mr. Luis Rubiales inbawlung siam numei Mrs. Jenni Hermoso ii muk nasiatak a tawp sakna (kiss) tawh kisai thukanna akineih hun sungin, amah (Luis Rubiales) pen Bawlung kimawlna tawh kizom nasep panmun khempeuh pan khawl / tawp san ahihna thu August 26, 2023 (Saturday) ni-in pulakkhia hi.

Spain gam sung leh leitungbup bawlung vai panmun leh vaipuakna khempeuh pan a khawl sanna pen Thu kibawlna leh a kimawhsakna hang ahihna thu FIFA thukhun vaisai pawlte’ makaipi (FIFA’s Disciplinary Committee) ahi Mr. Jorge Ivan Palacio in pulakna nei hi. FIFA in Luis Rubiales pen abeisa August 24 ni akipan thukhun tawh kisai thubawlna dingin kankhiatna nei uh a, Luis Rubiales in bel ” Khialhna ka nei kei hi ” ci-in, pansan lahkhiat theih ding akingapna leh kimuanna a neihna thu nasiatak genkhia hi.

Kum 46 apha Luis Rubiales in hih bang minsiatna / nenniamna pen Ms. Jenni Hermoso lam pan thu kician / siangtho lel hi ci-in, nialna ding thu a zonzon hangin, Ms. Jenni Hermoso mahmah leh a lawmte akipan Spain kumpi thuneite in numei nu ii deihloh pipi a gamta / tawpsak (Kiss) hi c-in mawhsak uh hi.

August 25 (Friday) ni-in Spain gambup Bawlung kipawlna makaipi ( President of the Spanish Royal Football Federation) in a panmun panin khawlsan / paikhiat ding nial hi. Amah (Luis Rubiales) ii naseppih Spain Royal Football Federation) makaite bel ama lamah panpih ding ahihna thu August 26, (Saturday) ni-in genkhia hi.

Source: VOA / Al Jazeera

Translated: Tongsan Admin Team

Hits: 5

Byadmin

Leave a Reply

Your email address will not be published. Required fields are marked *