Chin State, Tedim khuapi ah phualsat a om (ခလရ-269) pan SAC galkap 3 te January 7, 2024 ni-in amau thau ciat (Thau lawng 3) leh bomb tang pawl khat tawh ZFU (PDF Zoland) tungah kipumpiak (surrender) uh a, ZFU /PDF- Zoland in lungdamkohna (or) pahtawina Ks. (60 Lakhs) pia uh cih thu PDF- Zoland te’n tangko khia uh hi.

Hih a kipumpiak (Surrender) SAC galkap 3 te pen CDM lutte huhna pia pawl ahi CSA kipawlnate in, PDF- Zoland te tawh kizomsak uh hi-in, PDF-Zoland te in zong va sam khia pahin limtak kem uh cih kiza hi. ” Amau teng bel galvan a kiimtak tawh hong kipumpiak pah uh hi. CSA te’ tungtawn in kizomthei suak ahih manin, pahtawina bel mi khat aitang bek kipia hi. Amau 3 teng zong muanhuaina munah lung muan huai takin puakkhin ung” ci-in PDF-Zoland pan galkap makaipi Gideon in gen hi.

Akipumpiak nailo palikte leh SAC galkapte ahih leh Kawlgam buppi huamin khuapi lakna nasia mahmah ta ahih manin, Min Aung Hlaing ading nuntakna piak kullo in, gamthak akiphuh ciangin a Innkuanpihte tawh nuamtak a nuntakkhop theihna ding ngaihsun hen la, amanlang in hong kipumpiak mengmeng na ding uh kimuak den hi ci-in makaipi Gideon in genbeh hi. Tua banah tuni ciangciang CDM lutsa SAC galkapte leh palik kigawm vekpi 30 val bang PDF-Zoland tungah kipumpiak khinta uh ci hi.

Hits: 3

Byadmin

Leave a Reply

Your email address will not be published. Required fields are marked *