August 18, 2023 | Tongsan Media Group |

Bangladesh gam Sonali Bank ah kikoih Ukna buluh (SAC)te’ Myanmar Foreign Trade Bank (MFTB), Myanmar Investment and Commercial Bank (MICB) te’ sumsazian laite kikhakcip ta hi. Ukna buluh (SAC)te’ tungah America kumpi in sum bawl sumzuakna lam a khaktanna (Sanction) pen mang / zuih ding Bangladesh gam a om American Embassy ah Bangladesh kumpi tungah lai akhak banah ukna buluh (SAC)te’ Bank sazian pen akhakcip sak uh ahi hi.

Sonali Bank ah Chief Executive Officer (CEO) Md. Afzal Karim in, “US Treasury Department, Office of Foreign Assets Control (OFAC) te’ sum le paii bawlna lam khaktanna (Sanction) hangin, hih Bank nih Account te pen ko, khaktan khin ta hi ung” ci-in kipsakna genkhia hi.

Myanmar Bank nihte in a ap / a piak sum vekpi gawm US$ Awn 1 leh Teng khat val pha ta hi c-in, Sonali Bank te’n a genkhiatna leitung Social Media tuamtuam ah August 16, 2023 ni-in pulakkhia uh hi.

Sonali Bank a om Bank sazian te a honkiksak theihna dingin ukna buluh (SAC) te’n a nget hangin, khaktanna pen American kumpi in, a lakkhiat kik mateng honsak kik ding kingah nawnlo ci-in, Sonali Bank neipa ahi Chief Executive Officer (CEO) Md. Afzal Karim in genkhia hi.

Source: People’s Spring

Translated: Tongsan Admin Team

Hits: 3

Byadmin

Leave a Reply

Your email address will not be published. Required fields are marked *