Chin State, Mindat township sung a om Vumtu khua leh Then chaung khuaneu 2 te zanni October 9, 2025 nitak lam (7:00pm) hunin Ukna buluh (SAC)te’n Vanleng tawh bomb khiat uh a, khangno 3 leh pumpi hatlo numeino 1 si-in, khuami 10 val liam cih thu CDF-Mindat in pulak uh hi. Bomb khakna hangin Inn 6 nak siat mahmah cih thu CDF-Mindat thuneite’n gen hi.
” Vanleng tawh bomb khiatna munte pen galtaite’ om innte leh naupangte laisinna sanginn teng nasiatak kizancip ” ci-in CDF-Mindat khua mipite’ makaipi Salai Yaw Mang in gen hi. Ukna buluh (SAC)te in Mindat township pen tukha October 4, 2025 ni-in zong vanleng tawh bomb khia uh a, Hotel leh mipite’ tenna inn pawl khat kisiazan hi. CDF-Mindat leh kipawlpihte’ laksa Mindat township akipan SAC in a khahsuahsa khua pawl khat zong Vanleng tawh kap ngekngek uh a, a tamzaw pen mipite’ tenna munte hipha diak ci hi.
Hits: 0