October 16, 2026
Malaysia a om Zomite in ngeina pawipi ahi Khuado pawi bawl uh a, mipi 4000 val pha uh cih thu kiza hi. Tua Khuado pawi pen Malaysia a om Zomi makaite vaihawmna tawh kibawl hi a, Zomite ngeina kepcingna khat in kibawl hi ci uh hi. Pawi sungah Zomite ngeina lam tuamtuam, tanglai ngeina tuamtuam lahna le khangthak lasakna tuamtuamte zong nei uh hi.
Hih hun sungah tangtawng ngeina le minam thulaingil lahna te zong nei uh ahih manin mipi in tha ngah thei mahmah uh ci hi. “Mi gam mi lei ah hih bangin ngeina Khuado pawi nasiatakin kibawl thei dingin ka ngaihsun kha ngei kei hi. Hih bangin I minampihte tawh mun khatah pawi bawlkhawm, ngeina ante nekhawm, Zola awikhawm cih pen inn a tung tawh kibang hi.” cih pawisimte khat in gen hi. Pawi sim te vamciim, sangawi cih zo an te kizuak a, pawisimte in lunggulhtakin ne ciat uh hi. Malaysia gam sungah sumthalawhna, vai tuamtuam tawh a om khempeuh pen Khuado pawi in hih bangin a gawmkhawm ahi hi.
Source : Samuel
Hits: 0