Tongsan ~ October 24, 2026
Rev. Dr. Chin Do Kham phawkna mualsuang laibu apna leh Dr. Kham hong nutsiat zawh kum 13 cin phawkna kikhop pen Word Of Hope Biakinn (Rev. Dr. Suan Za Pau te Biakinn), Dagon Seikkan Township, Yangon ah October 21, 2026 ni in kinei thei aa tualai ah sak leh khang pan mi tampi kihel thei uh cih thu kiza hi. Tua hun sung in Rev. Sang Pui in Hun-uk sem aa Pu Vum Nang in inntek lam pan thu genna leh Man tuamtuam lahna nei thei hi. Laibu apna Rev. Dr. Suan Za Pau (WOH) in nei thei aa, Pahtawi thu genna te Pasian zat Sia minthang tampi ten nei thei uh hi.
Hih Dr. Kham phawkna mualsuang laibu hoih mahmah pen Dr. Kham ii Sanggampa Pu H. Vum Za Nang ii vaihawmna leh hanciamna tawh akibawl khia hi aa a sawtlo in mun tuamtuam ah hong kihawmkhia ta ding ahi hi. Hih mualsuang laibu sung ah Article Zolai 104, Engilish 8 akigawm 112, photo page 48, Man pong 110 leh page akigawm 518 pha ci in Pu Vum Nang tungtawn in kithei khia hi. Dr. Kham pen abeisa hun in Momno Kipawlna Yangon (Momno Newsletter – Zomi Siamsin) ii Advisor (1998 – ) khat zong hi aa Momno nasepna te hong panpih mahmah khat zong ahi hi.
Hits: 0