US gam khantohna ding deihna leh veiina hang a thahna thuak Charlie Kirk ading a sangpen pahtawina “Presidential Medal of Freedom Award” pen tuni October 15, 2025 ni-in US Innkangpi sungah President Donald J. Trump in Charlie Krik ii zi Erica Kirk khut tungah piakna nei hi.
Gamvai ah nasiatak panla a nasem Kum 31 a pha pan Charlie Kirk pen abeisa September 2025 sungin Uttah State, University ah sangnaupangte tawh thukikupna leh thudotna aneih laitak in Thau tawi khangno khatin kaplum hi. A kaplum pa zong nai 33 sung khitteh US Police te leh FBI te’n manzo pah uh hi.
Charlie Kirk pen abeisa US kiteelpi hun sungin Donald Trump ading nasiatak a panpih thugen siam mahmah khangno khat ahi hi. A diakdiak in Conservative muhna leh thu pomzia lamah khangnote a kaih zawhna ding leh Donald Trump mee a kipiakna ding a hanciam mahmah khat ahi hi.
Charlie Kirk a sih zawh khakhat cing panin, US gam mipite bek tham loin leitungbup khangnote leh adiakdiak Christianity sungah ki-it in, pammaih kisa mahmah hi. Charlie Kirk pen mipil, thugen siam bek loin, Pasian thu-upna lamah a khauh mahmah mi tuam pian, amah bang mi om thei nawnlo ding zahin US President Donald Trump gen hi.
Charlie Kirk ii zi Erica Kirk in lunglen khuangaihna khitui mual tuang kawmin, a lawmpa tangin Pahtawina sang hi. Aman a genna ah, ” Ka pasal pen US gam ading leh Pasian thuman thutak ah a dinkipna hangin tuni-in galhang pahtawina etlawm takin a ngah ahi hi” ci-in pulak hi. Tua banah Charlie Kirk pen ama nuntak hun sungah US gam ading thumaan upna hangsan tak leh kiptak asem khiapa hi cih zong genbeh hi.
US President in zong Charlie Kirk akithahna tawh kisai ah Veei lam thu upna luanglet pawl (Democratics) te’ hang ahi hi. A that pa zong sihna mah kipia ding chi ci-in, kiciantak genkhia hi.
Hits: 3