Sagaing Division, Shwebo township ah mipi galkapte’ phualsatna (PDF Camp) mun khat Ukna buluh (SAM) pawlin buluh in, mipi galkap (PDF) tangval 7 that lum uh cih thu kiza hi. November 6, 2025 ni zingsang lamin Sagaing Division, Shewbo township sung a om PDF te’ Camp khat Ukna buluh (SAM) pawlin va sim uh hi. Tua Camp ah a taikhia manlo PDF tangvalte 7 hingmat bek tham loin, nasiatak bawlsia in that lum uh cih thu Monyua township Information department in gen hi.
” Gal mainawkna pan kilutsuak hi-in, Camp ah kua mah om nawnlo in Camp bek mah om lai dan akithei hiveh aw” ci-in Monyua Information te’n gen uh hi. Tua kiman/ kithat PDF galkapte pen kikepkholhna / kidopna tawh kua PDF pawl cih kiciantak kitheizo nailo ci hi. Hih thu tawh kisai in, Shwebo PDF makaite tungah dotna kinei a, ahi zongin kiciantak dawnna om thei nailo ci hi.
Shebo Township sungah bel Shwebo- Mandalay lam zikpi dungah tukaal sungin Ukna buluh (SAM) te leh mipi galkap (PDF) kipawl khawmte kikaptuahna nasia mahmah cih thu khua mite’n gen uh hi.
Hits: 2