Chin State, Tedim township, Thuklai Baptist Church pen Kum 100 cing ta hih manin, kum 100 cinna pawipi (Centennial Celebration of Thuklai Baptist Church) leh phawkna Mualsuang phuhna (Centennial Monument Erected) hunpi pen November 16, 2025 ni-in Thuklai Baptist Church ah thupitak kibawl cih kiza hi.
Chin State ah biakinn om masa penpen Khuasak Baptist Church hi-in, February 17, 1906 ni-in kilam ahi hi. Tua hun lai-in Khuasak khua bekah biakinn om ahih manin, nipi simin Pasian biak piakna nei (kikhawm) dingin Siyin region sung a om khua khempeuh pan kipaikhawm ngeingai ci hi.
1924 kum ciangin Tonzang township, Mualpi khua ah Chin State buppi Baptist Khawmpi tung a, tua lai ah Delegate thukimna tawh Thuklai khua ah Biakinn lam theihna ding leh Khuasak Baptist Church pan Inn tuan sak dingin khensatna kinei ci hi.
Tua thukhensatna tawh kizui-in, 1925 November 15 ni-in Thuklai Baptist Church kipankhia thei hi. Thuklai khua kim le pam a om Buanman, Lophei leh Pumva khua tengin Thuklai khua-ah biak piakna nei dingin, kipaikhawm ngeingai ci hi. Thuklai Baptist Church panin Buanman, Lophei ,Pumva khuate inn tuan kik uh ahi hi.
Hits: 1