Chin State, Tedim township, Tedim khuapi lutna ” Welcome Signboard ” kiangah phualsat a om 269th Battalion Ukna buluh (SAC/SAM) galkapte leh Chin Brotherhood (CB) te November 27, 2025 ni zingsang (8:00am) hun pawlin kikaptuahna nasiatak nei uh a, SAC/SAM galkapte 2 hing mat banah galvan nam tuamtuam honpi khat zong ngah uh hi. Pasian huhna tawh CB / PDF-Zoland tangvalte a si, aliam omlo in kihemkhia thei mang uh cih PDF-Zoland te’n pulak uh hi.
Ukna buluh (SAC/SAM) te in Tedim khuapi lutna ah phualsatna hang bulpi pen Khuapi sungah sumbawl sumzuak mipite’ tung pan sum leh paii a nget nop man / etcikna ding Kongpi (Gate) ngimna bulpi hi a, ahi zongin Chin Brotherhood (CB) pawlin hawl khia kikzo suak hi. Hih Tedim Welcome Signboard Gate pen Myanmar – India gamgi sum bawl sum zuakna lamzik Kongpi (Gate) khat ahih manin, Mipite’ ading suaktakna tampi om thei pah cih kiza hi.
Tua banah Chin State sungah Falam, Tedim, Kalaymyo (Sagaing Division) pan Gangaw lam zuanin galsim akuan Ukna buluh (SAC/SAM) te pen Chinland Council (CC) bel pawlte ahi; National Fornt (CNF/CNA), Kalay Revolutionary Force (KRF), Ranger Kalay Defense Force (RKDF), te leh Chin Brotherhood (CC) bel pawlte ahi; Chin National Defense Force (CNDF), PDF Zoland, Vakok PDF, banah Sangnaupang Kipawl khawmte (ABDS), PDF District Army, leh Pha Kah Pah, Yaw Defense Force (YDF), Region Defense Forces kici belpawl kipawlna tuamtuamte in Galmai nih tawh nasiatak do khawm ziahziah uh ahih manin, SAC/SAM lamte Majors leh Captain akipan galkap 100 val si-in, galmat tampi leh galvan nam tuamtuam honpi ngah khia uh cih thu Chinland Council (CC) in thusuah bawl khin uh hi.
Chin State ah Chin Revolutionary tuamtuamte kipawl khawm thei uh a, Falam khuapi akipan, Mindat, Kanpalet, Matupi, Tonzang, Cikha, Rih Khawdar, Lailenpi, Kyin Dwin, Makwenu, Naring, Rihzua, Surkhuapi cihte lakhiazo ta uh hi. Paletwa khuapi leh Sami khuapite bel Arakan Army (AA) pawlin lakhia / ukcip zo uh hi. Tulaitak dinmun ahih leh Hakha khuapi, Thantlang, Tedim leh Khaikam khuapi teng leh abeisa a CDNF te’ lakkhiatsa Webula cih teng Ukna buluh (SAC/SAM)te’ khut sungah om lai bek uh suak hi.
Hits: 1