Chin state, Falam khuapi huam Sumhrang khuaneu ah SAC te leh mipi galkap Chin Revolutionary belpawlte kikapna ah SAC galkap 4 si-in, langnih kido kikapna omlopi-in mundang khat ahi Nganzawl khuaneu pen SAC te’n vanleng tawh bomb khiat uh ahih manin, tualsung mi kum 70 a pha pitak khat si, cih thu kiza hi.
January 31, 2026 ni zingsang lamin Falam khuapi nisuahna lam a om Sumhrang khuaneu a SAC galkapte phualsatna pen Chin mipi thau tawi pawlin va kap uh a, SAC galkap lam pan 4 si-in 3 liam, ci hi. Tua kikap khit a sawt lo sun 11:30 pawlin SAC galkap pawlin kido kikapna om lo pi-in, Nganzawl khua van lam pan Jet fighter tawh bomb 4 vei khiat uh hi. Bomb khiatna hangin kum 70 apha khuami pitak khat si a, inn 10 kim sia dikdek ci hi.
“Khua sungah gal kidona om lo pi-in vanleng tawh bomb ong khia uh. Pitek khat in sihlawh in, khua sung inn zong tampi kisia dikdek hi” ci-in khuami khat in gen hi. January 30 nitaklam in zong Falam khuapi huam Sim/Dihai khua SAC pawl in van lam tawh bomb khiatna hangin inn 3 kang tum ci hi. Falam khuapi huam sungah SAC in gal kikapna ah guallel kisa lua uh ahih manin, akim a pam khuaneute van lam pan bomb khia-in thukkik / phula kik den uh, ci-in khuamite in gen hi.
Hits: 3