India gam pan Myanmar gamah kipua ding a puakkham thei Galvan (mines and related equipment) honkhat pen Mizoram Police leh Assam Rifle galkapte kipawlin November 6, 2024 ni zingsang tung (04:00am) hun pawlin Mizoram, Serchhip District, Sailiamkawn Gate ah man khia uh hi.
Serchhip Police leh Assam Rifile te’n thuzakkholhna tungtawn in, Sailiamkawn Gate ah pickup mawtaw khat khawlsak uh a, limtak a zonna uh panin singkuang (48) sung aa kiguang Mine puakkhapna ding akizang Thauvui thoh (10,000), singkuang (94) sungah kiguang Mine tang (9,400), leh Mine khau kual (5) tawh vannei hi ding a ki-ummawh mi (2) mankhia uh cih thu “The Times of India” ah kisuaksak hi.
Hih a kiman galvante pen Kawl galkap a do Revolutionary nasem PDF galkapte ading hi dingin, akiman mi 2 te thukidotna tungtawn in ki ummawh aa, Myanmar gamah a kipuak ding vante hi ci in gen uh hi. Akiman minihte pen a puakkham thei vante thukhun 1908 tawh kizui-in, Sherchhip Police in thu bawlna kinei ding ci-in, News in genbeh hi.
Hits: 3