Kachin State, Bahmaw khuapi lakna ah Febraury 11, 2025 ni zingsang ciang ciang kidona khauhpai semsem in, KIA te’n SAC lamte honpi khat man uh ci hi. Zanni Febraury 10, ni kikapna ah SAC galkapte 68 si-in, 47 hingmat uh a, galvan tampi tak zong ngah khia cih thu KIA thuneite’n genkhia uh cih kiza hi.
” Tank Battalion te bel tukha Feb. 8, ni pekin buluh / lakhia zo ta ung! Tua ni a si aliamte sazian lakna leh a taimangte nung delhin tampitak kimankik hi. Kachin PDF te bel a liam om” ci-in Kachin Independent Army (KIA) thusaite’n gen uh hi.
SAC No. 5014 Tank Battalion pen KIA in nasiatak kapin buluak banah tua kikapna sungah SAC galkap nasiatak si uh hi. KIA lam zongah a si liam pawl khat mah om ci hi. Tank Batallion lakna ah SAC te’n KIA te dal zolo uh ahih manin, No. 21st Military Command Headquarters (MCH-21) ah lutin kigawm uh a, tuateng mah KIA ten va buluh thei ahih manin, a lom atangin si uh ci hi.
KIA te’n bel Bahmaw khuapi a om Thaupi battalion, Sikmawtaw battalion (artillery and armored battalions) cihte khempeuh lakhia uh a, Military Command Headquarters (MCH-21) te dong khaktan cip uh ci hi. SAC lam pan a lom atang in a sihna pen (MCH 21) sung pan a taikhia SAC galkapte tam pen uh a, KIA te’n uigawh in go ziahziah uh cih thu KIA thuthak saiten gen uh hi.
Hits: 3