Magwe Division leh Rakhine State gamgi a om Kan Myint kan leh Gohshiyo khuakidona ah No. 99 Infantry Division nuai a om 99th Infantry Division, Commander Lt. Col. Kyaw Kyaw Thet pen Arakan Army (AA) te in akhe liamsa in hingmat uh cih kiza hi. Galdo ding a kuankhia SAC galkap 360 sung pan 200 kim si uh a, 100 kim liamin Zato kipuak manlo in a si zong hon khat om uh ci hi. SAC galkap 70 bek om lai uh cih thu Arakan Army te in gen uh hi.
Lt. Col. Kyaw Kyaw Thet makaih SAC galkap 360 tawh February 12, 2025 ni-in Yametint khuapi pan Ann – Padan lam zuanin kuankhia uh ci hi. Tua panin Kan Myin Kan pan Gohshiyo ah Gohshiyo pan Panda huam galmai nawkna ding lampi a veng dingin SAC in a sawlkhiat ci hi.
January 13, 2025 nitak (8:00pm) hunin Kan Mint Kan mun teng tung uh a, AA pawlin SAC galkap No. 419 Gal kuante omna gamgi Payar Kone Pagoda kap uh hi. Tua khitteh Kan Myint Kan kiang a om Kaingon khua kap leuleu uh hi. Ahi zongin Lt. Col. Kyaw Kyaw Thet leh galkap 10 kimte Point 1455 mual ah nungkik uh ci hi. A liam abaite Kant Myint Kan mun pan Gohsiyo ah kituah in, Gohsiyo pan Pandan galkap phualpi ah Mawtaw tawh kipuaksuak ci hi.
January 31, 2025 ni in Gohsiyo mun AA pawlin sim leuleu uh a, ni thum khitteh Piont (1399) ah tawlnga uh a, a liamte AA te kiangah kipumpiak uh hi. Galmat a om Battalion Commander Lt.Col.Kyaw Kyaw Thet pen abeisa 1998 kumin 43rd Cadet Course of the Royal Myanmar Military Academy a zo khin ci hi.
Hits: 3