Chin state, Tedim township Phaiza leh Thalmual khua kikal a om People’s Defense Army (PDA- Tedim)te phualsatna mun khat pen February 12, 2025 nitak (5:30pm) hunin ZRA-EC pawlin buluh in, lakkhiat sak cih kiza hi. Tua PDA (Tedim) te’ Camp buluhna ah ZRA – EC lam pan tangval 50 kim kuan uh ci hi.
” Ko, galphual (Camp) bel Thalmual khua khung lam a om hi in, galkap tam kikoihlo ahih manin ZRA te (50) kimin hong buluh uh ciangin a kinungkik hi mai ” ci-in PDA-Tedim vaisai khatin gen ci hi. Kikapna ah langnih asi aliam kua mah omlo ci hi. Ahih hangin PDA-Tedim lamte’ galvan pawlkhat leh nek leh dawn cihte ZRA-EC pawlin suksiat sak ci hi. February 9, 2025 zingsang lamin zong Buanli khua ah ZRA leh CNA te kikapna om banah Gun gal lam khua pawlkhat zongah thauging kizazel ci-in khua mite’n gen uh hi.
PDA-Tedim pen Chinland Council nuai a om thautawi kipawlna khat hi-in, ZRA-EC pen Spring Revolution hun ah SAC do sawmlo / kaplo ding cih thukhun tawh a kalsuan uh ahi hi. Abeisa hun sung SAC leh ZRA galkapte Tonzang khuapi ah om khawm uh a, a kisap hun hunin ZRA in SAC ading Security sepsak uh cih kiza hi.
Hits: 3