October 6, 2023 || Tongsan Media Group ||
Yemen gam a om Irante tawh kizom / ahuh sim den Houthi kici (pro- Iranian) gamnuai mite’ ading ki-ummawh galvan Thautang bulompi pen American tui galkap (U.S Navy) te’n a matsak zawh uh kum tampi pha khin ta hi. Tua thautangte pen Urkraine galkapte’n tulaitak a Russia tawh akikapna ah azat AK- 47 te Rifle danin zang uh hi.
Abeisa kum sungin US. Navy te’n Iran te’ tung pan amat sak uh thautang Million 1 million valte pen Ukrainete’ zat dingin America ten piakhia sawn uh cih thu tukha October 4, ni-in American galkapte’n pulakkhia uh hi. Middle East sungah galdonate ah a makai den ahi US Central Command gal phualpite in 7.62 mm thautang mal gawm vekpi 1.1 million val pen Ukraine gamah kipuakkhin ta hi ci-in tangko khia uh hi.
Tua thautangte pen Iran kumpi langpang galkapte (Iran’s Revolutionary Guards) in Yemen gam pansan Houthi gam nuai mite’ tungah a puak kimlai US Navy ten na matsak uh ahi hi. Gallam siam leh thu theite’ genna ah galkidona mun ah hih Thautangte in kilamdanna (or) kikhelna lianpi piang sakzo samlo dingin gen uh hi. Russia te’ simmawhna / zawhthawhna athuak Ukraine te’ galdona ah akisam galvan bulpite ahih leh a gamla kapna (Long-range) leh vanleng kapna (anti-aircraft) te ahi hi.
Americante’n kumpi sumbul (budget) zatzia ciangtan nei uh a, Ukraine huhna ding sumbul pen parliament ah a tuamin khensatna leh kipsakna neizo nailo uh a, tua hangin Ukraine tungah Americate’ galvan piakte hangin, US kumpite’ huhna a piak lai ding sumte kikhiamthei tuanlo ding ci hi. US President Jeo Biden in bel kumpi kivaipuakzia bangci dinmun ah a om phial zongin, Ukraine huhna ding pen bang mah nawng kaina / khuttung lumleh bang om loin, khensatna omsa bangin kihuh veve ding ahihna pulakkhia hi.
Source: people’s Spring
Translated: Tongsan Admin Team
Hits: 9