October 15, 2023 || Tongsan Media Group ||
Hamas ngongtat pawl (bloodthirsty terrorist group Hamas)te kiphasak vial uh ahih leh a zung amal in zialmai ding ci-in, Israel’s Prime Minister Netanyahu in khatvei pulakkhia leuleu hi. Tuni October 15, (Sunday) ni-in Israel Thukin Kumpi Thak makaite (Israel’s National Emergency War Cabinet) pawlin a khatveina thukikupna leh khensatna a neihna pan PM Netanyahu in pulakkhia hi.
Israelte kikhenkham kuan ta cih upmawhna tawh Israelte a va do ngongtat Hamas te pen Israelte kipumkhatna tawh kizialmai ta ding hi ci-in, PM Netanyahu in genkhia hi. Lei lam galmai nawk Israel galkapte’ kiangah zanni October 14, ni-in Netanyahu in va kimuhpih a, ngongtat Hamas te hun ciam om loin, nasiatak do / Phula dingin baihsa om ta hihang ci-in Netanyahu in genkhia hi.
Israel Thukin Kumpi Thak (Israel’s national emergency government) pen Hamas ngongtat pawlin Israelte a busim khit October 12 ni-in, kiphuankhia hi-in, Galkap Mangpi luite (former generals) leh Party langpang makaite (opposition party political leaders) cihte kihel uh hi.
Hamas pawlte’ thahna leh bawlsiatna a thuakte leh kaihkhiatna thuak (or) a kitaipih mangte’ innkuanpihte in bel PM Netanyahu ii ginatlohna leh thanemna hang hi ci-in, mawhsakna a neih banah gamvai siam makai pawl khatin zong PM Netanyahu pen a panmun pan khawlsak dingin ngetna nei uh cih thu Israel thuthak kante’n genkhia uh hi.
Hits: 4