October 15, 2023 || Tongsan Media Group ||
Shan State, Kokang region ah ngongtat (SAC) galkapte leh Myanmar National Democratic Alliance Army (MNDDA) te kikap uh a, SAC galkap lamte galkap ulian (officer) akihel 16 si uh a, galvan zong tampi ngah khia uh cih Myanmar National Democratic Alliance Army (MNDAA) thuneite’ genkhia hi.
October 14, nitak lam 12: 50pm hunin Ngongtat (SAC) galkapte Sah-Kah – Khah 12, battalion 335 pan galkap mimal 30 val gal mainawk uh apaite in khuami khat lamhilh dingin man uh a, MNDAA galkapte’ omna mun a tun uh ciangin, kikapna piang ci hi.
Kikaptuahna pen nitak lam 3:5Pm ciang kikap uh a, ngongtat (SAC) galkapte lam pan ulian (officer) pawl khat akihel a vekpi un 16 si uh a, SAC galkapte lam bei uh ahih manin, a galvante uh nusia in taimang uh a, MNDAA galkap lamte in sulzon in kap zial mang uh cih kiza hi.
Hih kikapna sungah MNDAA galkapte in Thau lawng 10, Thaupi MM 60 lawng 1, Khutloh Thaupi lawng 1, Thautang bawm 14, Thautang 218, Kihona set bu 1, Mobile phone 1, satellite phone 1, leh adang galvan nam tuamtuam ngah uh cih kiza hi.
Hits: 9