S. Korea gam a Jeju Airline leh Muan International Airport a nasepna zum (Offcice) sung teng Korean police ten December 2, 2024 ni-in nasiatak encianna nei uh hi. December 29, 2024 ni a mi 179 sihna vanleng tuahsiatna tungtang ah vaisaite thusitna leh dotna nei uh hi. Tua banah Seoul city a om Jeju Airline zumpi leh Muan International Airport a vanleng lenkhiatna lam vaisaite’ zum (Air Traffic Control Office) te khempeuh etcianna leh thudotna nei uh cih Jeolla State Police Force te’n pulakna nei uh hi. Vanleng muan huaizia tawh kisai thu ciamtehnate, Airport nasepzia kitodelhna lam tawh kisai thu leh lai thupi khempeuh Police te’n lakhia uh ci hi.
Muan International Airport ah Jeju Airline neihsa Vanleng tuahsiatna mun zong Korea galkapte leh Police te’n Uniform puan kaang silh in, thukancianna nei uh a, vanleng tuahsiatna a hang nasiatak kankhia uh hi. Thailand gam Bangkok khuapi pan khualzin mipi leh Vanleng nasemte kigawm vekpi 181 te’ tuanna Boeing 737 pen vanleng taina lampi tungah Awm talin, Vanleng tualpi dalna Huang phukha ahih manin, meikang in Passenger khempeuh simang uh hi. Vanleng mei dawn lamah a om Vanleng nasem pasal khat leh vanleng tanu sem numei khat bek suakta uh ci hi.
Hits: 6