Mandalay Region, Myanyan khuapi huam Taloh khuaneu ah Ukna buluh (SAC) galkapte in Helicopter khat leh Jet Fighter khat zangin Mipite’ Internet zatna Phone Tower omna Innpi khat January 25, 2025 ni-in bomb khiat uh hi. Tua Internet zang a om mipite leh PDF te kigawm vekpi mi 25 val si in, honpi khat liam uh ci hi.
Tua Internet zatna Phone tower munah Internet Line hat ahih manin, sanginn pan leh mundang khuadang pan a pai sangnaupangte tam pen uh ci hi. Phone line hat a, Internet zatman Nai 1 Ks.1000/- mikhat tung ah la uh hi. SAC galkapte in Bomb khiatsuk ahih manin Khuasung mi 40 val si uh a, tuate’ sungah sang siamah zong kihel uh ci hi.
SAC Galkap pawl tawh kigawm mithat, mipite’ van laksak, migilo Pyuesawhtee pawl tua khua ah om uh ci hi. Myantkyan District sungah abeisa 2024 August 10, ni akipan 2025 Jan 11 kikal sungin SAC te’n 110 val vei bomb khia uh a, bomb khakna hangin numei naupang kihel mi 57 si uh cih Myantkyan Defense Force ten genkhia uh hi.
Hits: 0