Chin State, Thantlang khuapi a om SAC member khat ahi Dr. Mu Thang ii inn leh Huang leitangte CDF-Thantlang in a suhkhiatna thu March 24, 2025 ni-in thusuahna leh tangkona nei uh hi. Ukna buluh bek tham loin, Thantlang khua buppi mei tawh haltum in vut leh vai asuah Ngongtat buluh (SAC) te thapia in, gam mipite’ tungah mulkim/cikzia hetlo takin a gamta SACte tawh akipawlna hangin a Inn leh lote kilakkhiatsak ahihna thu CDF- Thantlang in a lahkhiatna uh ahi hi.
Thantlang khuapi Veng No. 2, sung a om Dr. Mu Thang inn 2, innmun mun 3, leh leitang awng Acre 5 teng pen kilakkhiat sak / kisuhkhiatsak ahihna thu kithei khia hi. Tua manin CDF- Thantlang in amau thuneihna leh gamtatna mun sung a om Dr. Mu Thang inn, Inn mun leh huang leitang a lakkhiatte pen SAC ukna bei in, hong kahto ding kumpi thakte tungah kipiakhia/ ki-ap ding ci uh hi.
Thantlang township tualsung mi khat ahi Dr. Mu Thang pen abeisa Feb. 17, 2023 ni-in ukna buluh (SAC) in Member ding a sehsa uh Pu Gin Kam Lian (Secretary of ZCD) a ut loh ciangin, ama munah a koih uh ahi hi. Dr. Mu Thang in SAC member hihna ma in, USDP party, Chin State ah Chairman panmun len hi.
Hits: 3