Magwe Region, Gangaw township, Lemah khuano ah Ukna buluh (SAC), Infantry military 50th Battalion kici te’n May 12, 2025 ni zingsang tungin kum cing nailo naupang pawl khat leh khangno 11 te mul kim huai takin Gawl at in that lum uh a, khangno 10 te zong man cipin koi lamah tunmang kithei nailo cih kiza hi. Hih Ukna buluh (SAC) 50th battalion te pen Gangaw khuapi a phualsat pawl uh hi-in, tuni May 13, nitak lamin Galkap mawtaw 3 tawh Lema khua kiang a om khuaneute ah gal mai nawkin paito suak uh ci-in khuami khatin gen hi.
” Zanni dan mahin kangtak kuan khia zel uh hi. Gangaw khuapi pan leitaw lam a om khuaneu te pelh uh ” ci-in khuamu khatin gen hi. Hih 50th Battalionte pen Pya Natt Taung khua gei teng tung ta cih kiza hi. Tua khuaneu zong bel Lema khuaneu tawh kigamla hetlo hi in, khuamite zong kidawm takin om uh cih khuamite khat in gen hi. Lema khua a Ukna buluh (SAC)te’ thahlup khangno 11 te’ luang hawmte bel zanni May 12, ni mahin vuina Mei tawh kinei cih kiza hi.
Hits: 1