US kumpi in 2026 kum sumbul sehna/ geelna nei uh a, tua laiah Myanmar gam huhna dingin US$ 121 million piak khiat dingin February 3, 2026 ni-in US President D. Trump in suai kaihna nei taktak hi.
Tua US Kumpi sumbul sehna thukhun ” Consolidated Appropriations Act, 2026″ kici sunga suai kaihna leh thukhun pen huhna tawm nam in kiciamteh hi a, Myanmar gamah gal kikapna hangin mihing gentheih dongtuakte leh democracy maban sepna (humanitarian and democracy support programs) ading ci-in kiciamteh hi.
U.S. House of Representatives thukikupna ah “the Consolidated Appropriations Act, 2026) tawh kisai Vote khiatna nei uh a, (217) in zo in, 214 in nial himah leh a tamzaw in zo ahih manin Myanmar gam huhna kikipsak ahi hi. Thukhun tawh kizui in a tamzaw in zo himah leh tua huhna US$ 121 million pen bangci danin kipia / kihawmkhia ding cih kithei nailo hi. Ukna buluh (SAC) khut sung limlim a tunlohna dingin Thukhun / thukhensatna sungah kiciantak ciamteh uh hi.
Myanmar gamah kipia ding tua huhnate sungah Thailand leh India gamah galtai gambel dongtuakte huhna, gamvai tawh thongkiate huhna, gal leh sa vai tawh bawlsiat thuakte’ thu le la kaihkhopna nasem (media/ Journalist) huhna, khuatual kivaihawmnate ah nasemte huhna, Federal democracy mapanna huhna, galkapte ukna deihlo (CDM) nasemte’ huhna cih tengah zatkhiat dingin Thukhun / thukhensatna ah ciamteh uh hi.
Hits: 1