July 28, 2023 || Tongsan Media Group ||
Tukha July 15 -20, 2023 kikal ni (5) sung Myanmar gambup a munmun ah gal kikap /kidona hangin galtai vekpi mi 6000 val pha ta ci-in UNOCHA ten July 27, 2023 ni-in pulakkhia uh hi. Hih July 15- 20, kikal sung kidona pan galtaite pen adiakdiak in Bago Division nisuahna lam, Taninthari Region le Shan State leilu lam kidona pan hipen ci hi. Kidona pen Kawlgam nisuahna khang lamah khang pha diak banah leilum nitumna lam zongah nasia sem hi. Shan State leilu lam zongah kikapna om zelzel cih thu UNOCHA in genbeh hi.
Hih bang a gal kikapna hang a innle-lo nusia in gal akitai hun sungin, Shan State leulu lam leh Kawlgam leitaw lam a om State pawl khatte ah tuk guah leh huihpi kithuahna hangin, khuapi sungah tui khangin, nn leh lo nusia mi tampi om bek tham loin, nuntak khuasaknate haksa semsem uh ci hi. Hih bang khuahun siatna hangin Karen State, Mon State le Taninthari Division sung khuapi a tamzaw ah innle-lo nusia mi 400 valte tawmvei tawlngak theihna munah kituahna ah naungek 4 zong tui kia-in si cih thu kiza hi.
Galkap in ukna a lak khit bitna lungmuanna om naw lo bek tham loin ki do ki kapnate hangin Kawl gam sungah innle-lo nusia a a tai then khat le tul zaguk bang (then 1.6) kim bang om ta hi, ci-in United Nations Office for the Coordination of Humanitarian in pholak khia hi. Ukna buluh (SAC) te’n ukna a buluh khit Kawlgam ah bitna leh daihna omlo bek tham loin, galkikapna hangin, inn leh lo nusia a galtai gammi vekpi gawm 1.6 million bang om ta cih thu UNOCHA in pulakkhia uh hi.
Source: People’s Spring
Translated in Zokam: Tongsan Admin Team
![](https://tongsan.org/wp-content/uploads/2023/07/363849921_638688308358779_6801465561531287115_n-1024x576.jpg)
![](https://tongsan.org/wp-content/uploads/2023/07/363836754_638688345025442_20549734176171199_n-1024x576.jpg)
Hits: 6