Tanintharyi Region, Dawei District, Thai- Myanmar gamgi a om Bodhi Camp (Point 2566) SAC Camp pen Karen National Union (KNU) in lakhiazo bek tham loin, Thai – Maynmar gamgi kuam Dawei District sung a om SAC Camp om khempeuh ukcip/ luahkhia mang ta cih thu kiza hi.
Thailand- Myanmar gamgi a om Bodhi (or) Point 2566) kici SAC Camp lianpi khat pen KNLA makai in, PDF bel pawlin tuni June 10, 2025 nitak lamin busim in lakhiazo ta ci hi. Hih Bodhi camp pen abeisa June 8, ni akipan a simtoh ngekngek uh hi-in, ni 3 sungin a vekpi lakhiazo suak ci hi.
Hih Bodhi or Point 2566 Camp ah phualsat taktak pen SAC Infantry Battalion 25, te hi-in, command of Htet Thah kha nuai a om Mae Thamitha khie (Htet thah) division, Myeik- Dawei District headquarter a kilakkhiat zawh 1997 bei kuan lam a kiphuankhia Camp khat ahi hi.
Hih Bodhi Camp lakna ah Karen National Liberation Army (KNLA), 4th Brigade makai uh a, KNDO Battalion 7, Karen Drone Special Force (KDSF), Htet Mopa Forestry Department, KNPF, Security Forces, the Women’s Union, The allied forces, TPLF, FFD Drone Force, cih teng kipawl khawmin a do uh cih kiza hi.
KNU 4th Brigade ii headquarters ahi Htei Khee Border Camp leh Htei Tay Strategic Camp pen abeisa April leh May kha sungin KNLA leh PDF kipawl khawmte’n lakhia uh a, Thailand gam, Kanchanaburi Province, Bodhi Village kiang a om Bodhi Camp pen tutung in lakhia leuleu uh cih kiza hi.
Bodhi Camp lakna sungah sun leh zan tawlnga loin, galkap mang, ulian uneu cih om loin, kipawlpih akuamaciat leh khuanu khuapate, khuami khempeuh khut khat tawi khekhat khai bangin mapang khawm uh ahihna KNU in Lungdamna thu pulakna nei cih kiza hi.
Hits: 0