Mandalay Division, Shinko Township, Wapohchauk khuano a om Ukna buluh (SAC) galphual pen Mandalay PDF te’n busim in lakhiazo bek tham loin, Galvan thauvui thautang tampi tawh buluak uh a, Lt. Col. Tin Ko leh galkap nautang 11 te a phual ah simai uh hi. Adang nautang 15 te’n zong Thau khia-in, kipumpiak uh cih thu Mandalay PDF, Thukizakna phualpi thuneite’n pulak uh hi.
April 28, zingsang lamin Shinku Township, Wapohchyak khuano ah phualsat a om Ukna buluh (SAC) galphual pen kibuluak / kilakhiazo cih thu kiza hi. Tua kidona ah SAC lam pan Lt.Col. Tin Ko leh adang nautang 11 in sihlawh uh hi. Tua banah SAC galkap 15 te’n zong Thau khia in Mandalay PDF te’ tungah kipumpiak (surrender) bek tham loin, Thau lawng 19, 60 MM Thaupi 1, leh thauvui thautang tampi kingahkhia cih thu Mandalay PDF in April 30, 2024 ni-in pulakkhia uh hi.
Tua kidona ah a si Lt. Col. Tin Ko ii luang hawm limlak (photo)tawh pulakkhia hi. ” Shintku Township, Wapohchyak khuano ah SAC pawlin phual satin a om zawh sawt ta hi. Tua hi a, kido / kinawkna kinei ahi hi.” ci-in Mandalay PDF pan thuphungpi Ko Osmon in genkhia hi. Tua kidona ah Mandalay PDF lam pan a liam a si omlo bek tham loin, Shintku Township sung a om SAC te’ galphual neu khat zong kilakhia behzo lai cih kiza hi.
SAC galkapte in Wapohchyak khuano a om China mihau khat neihsa Kham (gold) tawhna huam sungah phualsat a om laitak kido/ kikapna kinei hi cih khuamite’n genkhia uh hi. ” April 27, 2024 nitak lamin kitung in, a zingsang tungin kibusim thei hi ” cih khua sungah galvil galkap khatin gen hi.
Mandalay PDF leh SAC galkapte’ kikal Naungcho Township, Tayeikkone khuaneu kim teng zongah nisim kidona nasia mahmah a, SAC lamte in Vanleng tawh bomb khiatna cihte zong nisim tatsat loin nei uh cih kiza hi.
Hits: 5