CNF / CNA in amau thuneihna mun ahi; Hakha leh Thantlang khuapite lakkhiat ding simloh amau mun leh mual ahilo tengah a lut uh leh hun ciam om loin, kinuai / kikap pah ding hi ci-in, Chin Brotherhood in May 1, 2024 ni-in pulakkhia uh hi. Tua bangin a lut teitei uh leh Chin mipite’ sungah kipumkhatna leh kilemna a susia bek tham loin, sisan naisan a luanna ding Tangthu hoihlo a piang sak uh hi ding ci-in Chin Brotherhood in genbeh hi.

Tua mah bangin hih CNF /CNA leh amau kipawlkhopna ahi Chinland Council sungah akipawlpihte in zong mun leh mual khengin, a gamtat teitei leh khat leh khat kikal ah sisan luanna a piangsakte hi ding uh ci-in Chin Brotherhood in genbeh lai hi. Tua banah CNF /CNA leh Chinland Council in Chin Brotherhood leh a pawlte in Kya Tween khuapi a lakna uh paulap in, Chin Brotherhood te’ mun teng suhkhiat sak ding a hanciamna hangun kikapna / kidona piangsak uh ci-in thupulakna ah genbeh uh hi.

CNF /CNA in amau thuneihna leh mun leh mual ahi; Hakha leh Thantlang khuapite bulphuh in, galdona a neih ding uh hi a, akisap leh Chin Brotherhood te’n huh dingin gen uh hi. Tua bang hi loin, amau mun leh gam khengval in a kalsuan / a gamtat teitei leh Chin / Zomi mipite’ kikal ah kitelkhialhna leh sisan luanna a piangsak Tangthu gelh hi ding uh hi ci-in genkhia uh hi.

Chin Brotherhood kici pen; Zomi Federal Union, (ZFU), Chin National Organization (CNO), Chin National Council (Mindat), Chin Defence Force (Kanpalet), Maraland Territorial Council (MTC), Chinland Defence Force (Matupi), cih teng kipawlkhopna ahi hi.

Hits: 5

Byadmin

Leave a Reply

Your email address will not be published. Required fields are marked *