Rakhine State, Myauk Oo khuapi a om Ukna buluh (SAC) galkapte’ phualpite ahi Battalion 377 leh 378 galphualte pen Arakan galkap (AA) pawlin busim in lakhiazo bek tham loin, galvan thauvui thautang alom atang in ngah uh cih Online Social Media tungah Photo tawh lakkhia zihziah ta uh hi.
Rakhine State, Myauk Oo khuapi ah ukna buluh (SAC) galkapte’ galphual khat bekbek a om lai ahi ” Police Battalion No.31″ pen Rakhine galkap (AA) te in Febraury 8, 2024 ni-in, sit nei nawn loin busim in lakhia siang sitset uh a, Myauk Oo township buppi ah SAC gal beina munin kiciamteh ta bek tham loin, Township buppi AA pawlin ukcip zota hi. Tua hi in, tu ciangciang Rakhin State ah Myauk Oo, Min bye, Kyauktaw, Pauktaw leh Chin State sung a om Paletwa khuapi cih teng pen Rakhine galkap (AA) pawlin busim in lakhia siang sitset ta cih kiza hi.
Myauk Oo khuapi ah phualsat SAC galkap Khah Mah Yah 377, 378 leh 540 battalion teng pen Rakhine galkap (AA) pawlin a buluak banah Khah Mah Zah 540 battalion buppi pen abeisa January 30, 2024 ni-in lakhia khin uh hi. Myauk Oo khuapi a om Sah Kah Khah (9) khut nuai a om ” Khah Mah Yah 378″ buppi zong abeisa Febraury 5, 2024 ni zingsang (09:30am) hunin lakhiazo uh a, Khah Mah Yah (377) battalion pen February 7, 2024 ni-in lakhiazo leuleu uh hi.
Hits: 10