Northern Shan State, Moe Meit township sungah kikapna khauhpai semsem ahih manin, Inn leh lo nusia in khuamite galtai ziahziah ta cih thu tualsung mite’n gen uh hi. ” Kilau ahih manin, mipite a tamzaw thamtham inn leh lo nusia in kitaikhia ziahziah hita “ ci-in khuamite khatin genkhia hi.
Moe Meit khuapi nisuahna lam Tai (6) kim a gamlatna a om Taang galkap -TNLA Brigade (3rd) area, Senkin khuaneu a om SAC te’ Kyankan Camp pen TNLA leh kipawlpihte in January 5 ni-in busim in a lakhiat uh a, SAC in vanleng tawh akap banah Thaupi zong tawh khua sung kap gawp uh ci hi.
“Tuni zong Vanleng ging leh Thaupi ging ziahziah in, khua tungah vanleng ging vatvat bek tham loin, Man Pyaue leh Shin Kee lam kapin, Innte nangawn kiling ziahziah “ ci-in Moe Meit khuami khatin gen hi. Moe Meit khuapi sungah kikap / kidona khauh pai semsem ding launa tawh mipite a kitaikhiat ngeingai sam hangin, khuami pawlkhatte bel inn le lo nusia a taikhiat ding haksasa mahmah uh ci hi.
” Tua bangin galtaite a taikhiat khit phet ciangin, guta tam mahmah ahih manin a deih amal teng lakkhiat / guksak ding launa hangin kitaikhia ngam taktak lo zel” ci-in khuamite’n gen uh hi. Abeisa January 7 ni-in zong SAC pawlin Senkin khuaneu leh Nyaungkone (North) khuaneu pen Thaupi tawh 34 vei kap uh ci-in, TNLA pawlin gen hi. Moe Meit khuapi huam ah khuaneu 97 omin, mimal vekpi 65000 val om cih thu abeisa 2019 September sung akinei mimal simna tungtawn in kitheikhia ci hi.
Hits: 3