Israel Moses thukan zumte tawh kizopna nei cih mawhmatna tawh abeisa December 2023 sungin Iran kumpi in khailup dingin khensatna a neihte’ sungah Iran biakna makaipa Ali Khamenei ii thudotpi (Advisor) khat zong kihel ci-in tukha January 8 ni-in Iran thuthang in pulak khia hi. Ali Khamenei ii thudotpi (Advisor) ahi Mr. Mosan Saravani (Kum 24) pen thukante’ tungtawn in 2023 March kha-in mat uh hi-in, December kha sungin mawhna nei hi cih thukhensatna tawh kikhailum (That) ahihna thu Iran kumpi thu thang in genkhia hi.
Iran kumpi in thusuah a bawlna-ah Mosan Saravani pen Iran gam biakna makaipi Ali Khamenei ii Thudotpi (Advisor) ahihna pulakna nei lo-in, ‘Iran Revolution Force sungah kihel mi khat’ ci-in pulak lel ci hi. 2023 December kha sung mahin Israel Moses thukante’ tungah Iran gam tawh kisai Thu puak sim cih thu tawh mawh matin khailup a thuak mi 5 te’ sungah numei 1 zong kihel ci-in Iran kumpi thuthang in genbeh hi. Hih khailup tuakte’ sungah kihel Mosan Saravani pen kum tawm penpen hi a, Upadi lam (Law) tawh lukhu nelkai ngah hi-in galkap sungah nasem ahihna Iran kumpi thusuahna bawl zumte in pulak hi.
Hits: 3