Tonzang khuapi pan Ukna buluh (SAC) te khut nuai a nasem Township General Adminitration Department, Healt Department, Education Department, Auditing Department cihte pan NON CDM (100) vaal, mipite tungah ki-ap/ kipumpiak uh cih kiza hi. Tuate’ sung pan mi (30) te pen thukimna / khutpimekna nei khin bek tham loin, mun muanhuai ah kipuakkhin in, a dangte bel thu dotna leh khutpimek ding cihte ngak lai uh cih kiza hi.
Tua mah bangin, Tonzang township Police station ah nasem Palik 2 leh Sagaing Division, Tamu District, ah asem Palik 1 in zong Tonzang khuapi a om Tonzang Peoples Defence makaite hopih in, galhiam keng loin Tonzang mipi makaite’ tungah kipumpiak uh ci-in Tonzang mipi kipawlna makai khatin genkhia hi.
Tua banah SAC te khut nuai ah nasem laitak (Non CDM)te zong a nasepna mun mun pan khawl (CDM) lutin mipi te tawh khut kilen ding khensatna a neite khempeuh Zogam CDM Thukhun tawh kizui-in, CDM Committee, Public Administration makaite in hoihtak sittelna / thudotcianna akineih khit ciangin Mipite’ tawh mapang khawm dingin kisang ding hi ci-in, CDM Committee in tangko khia uh cih kiza hi.
Hits: 6