Rakhin state, Maungdaw township, Nah Khah Khah (5) Camp pan a taimang Ukna buluh SAC (15) Camp ah galdona makaipi Brigadier General Thurian Htun leh Ulian 2, akigawm 3 te December 8, 2024 nitak lamin Arakan Army (AA) pawlin hingmat ci hi. Brigadier General Thurain Htun leh galkap ulian 2 te a honkhia / lakhia ding aa kuankhia Ukna buluh (SAC)te’ sawltak Rohingya Muslim galkapte (ARSA) leh Arakan Army te nasiatak akikaptuahna pan hih SAC galkap mangpite AA pawlin a mankhia zo cih thu Arakan Army galvai thunei te’n pulak uh hi.
” A kiman SAC galkapte’ sungah Brigadier General Thurain Htun leh a khutnuai mi Ulian 2 te kihel uh hi. ARSA te tawh kikap khit phetin kihingmat hiphot suak ve” ci-in AA thuthak saite’n gen uh hi. Ahi zongin hih vai tawh kisai AA pawlin thuthak suahkhiatna nei nailo uh hi. December 8, 2024 ni zingsang lamin Maungtaw township sungah a nunung pen / a om lingleng lai ahi Nah Khah Khah (5) Galphualpi pen Arakan Army pawlin kiciantak lakhiazo taktak uh ahi hi.
Hits: 1