Chin State, Tedim khuapi, Myoma Police Station ah Security duty SAC galkap mi 4 te abeisa December 21, 2024 ni-in CDF-CDM Siyin galkapte kiangah galvan tawh Sutpom (Surrender) uh a, CDF-CDM Siyin ii thukhensat om bangin galvan tawh akipumpiak mi khat Ks. 10000000 piakhia uh cih thu CDM-Siyin Commander In Chief Thawngpu in genkhia hi. Tua SAC Sutpom (Surrender) mi 4 te pen Tedim khuapi ah phualsat a om Military Infantry Battalion. No. 268 pan galkap (Rifleman) U Sit Pyin Phyoe, Township Police Station pan Rifleman U Aung Pih Phyeu , Pa Dal Do Lian leh Military Infantry Battalion. 269 pan Rifle man Yeyar Hteet te ahi uh hi.
Hih SAC mi 4 te’ lakah Infantry Battalion. 269 pan Yeyar Hteet bekin galvan tawh kipiakhia (Surrender) ahih manin, CDM- Siyin in a thukhun ngeina omsa bangin sumtang MMK .10000000 tawh lungdamkohna kipia in, a dang 3 te bel CDM- Siyin galkapte omna munah a tawm pen kha 3 sung om ding ci hi. A kipumpiak nunung pen ahi Ko Yeyar Hteet pen a lut masa (surrender) mi 3 te tungtawn in kizopna kineithei hi-in, abeisa December 17, 2024 ni-in Tedim khuapi, Myoma police station pan CDM Siyin pawlin a lakkhiat / pikhia uh ci hi.
Pawlkhat a innkuanpihte Camp sungah a om uh ahih manin, CDM-Siyinte’ kiangah kipumpiak (surrender) ding baih paklo ci hi. Galvan tawh akipumpiak (surrender)te sumtang MMK 10000000 akipiak banah, Amau utna munmun ah kipaisak, a sepnop peuh kisem dingin kamciam kipia ci hi. Tua ahih manin, akipumpiak nuamte amau omomna mun ah va pikhia ding hi ung ci-in, CDF-CDM-Siyin Commander In Chief Thawngpu in genhi.
Hits: 3