Chin State, Falam khuapi kiang a om Khuanglung khuaneu ah January 4, 2025 ni-in, Chin Brotherhood leh ukna buluh (SAC)te nasiatak kikap uh a, Chin Brotherhood (CB) pawlin SAC galkap 7 hingmat uh hi. Tua akihingmat SAC galkap 7 te kikoihna / kikepna Khuanglung khua a inn pen zankim (11:00pm) hun pawlin SAC te’n vanleng tawh nihvei Bomb khiat uh ahih manin SAC galkap 7 leh a ciing a om CNDF galkap 1, tawh kigawm 8 si cih thu CB thugenpi Salai Tin Mi Htun in pulakkhia hi.
CB thugenpi Salai Tin Mi Htet in agenna ah, ” SAC te’n hih Khuanglung khuano bek hi loin, khuadang pawl khat zong bang mah kidona leh kikapna omlo pi’n, bomb khiat ziahziah uh hi” ci-in genbeh hi. ” Tua banah Chin Brotherhood (CB) te’ galmat (surrender) SAC galkapte nangawn thatlum mang nuam uh ahih manin, amau leh amau bomb kikhiat ngekngek uh himai ta hi” ci-in Salai Tin Mi Hteet in genbeh hi.
Vanleng tawh Bomb a khiatna Khuanglung khua ah SAC galmat mi 4 zong aliam abai om banah pil sinna Sanginn leh Zatote zong muitun in nei uh ahih manin kilimsiat mahmah ci hi. Falam khuapi ah Camp khat bek a om lai sun SAC galphual Infantry Battalion No.268 (Khah Lah Yah) Camp zong Chin Brotherhood Alliance te’n kap uh a, langnih kidona khauhpai mahmah ci hi. SAC in vanleng Bomb khiatna hangin Falam khuapi huam a om Khuaneu 5 te zong a khuazangbup galtai khin uh ci hi.
Hits: 9